BURGHDORFFIUM

BURGHDORFFIUM

vulgo Burtolff, oppid. Helvetiae, in Argovia, Caput olim Burgundiae minoris cum arce, conditum a Sintramo et Baltramo, fratribus, Comitibus Lentzburgensibus. Sedes dein Ducum Zeringiae, et Comitum Kyburgiorum, beneficiô atrimonii Annae sororis Berchtholdi V. cum Wernhero Comite pervenit ad Habspurgios Comites saeculô 13. Oppignoratur Baroni signoviae ab Hartmanno Comite, qui, contra Bernates, cum tribus Pagis foedus iniit, A. C. 1320. Obscssum ab Helvetiis A. C. 1382. eo quod Rodolphus Comes Solodurum intercipere fuisset conatus. Dein a Comitibus, pro certa pecuniae summa,

cum arce, Berhensibus venditur, A. C. 1384. Hinc bellô inter Argoviae civitates et hoc oppidum exortô, cum Austriaci, sub his enim tum Argovia, praeliô inferiores essent, per immissum incendiarium in cineres redigitur, A. C. 1389. Postmodum reparatum: in ditione Bernensi, a proprio Senatu regitur, etc. Vide Stumpf. l. 7. de Argov. c. 33.